Sunday, August 12, 2007

مين يشتري "فتافيت"؟


مثلما توجد فضائيات غنائية ، وفضائيات دينية ، وفضائيات سينمائية ، توجد أيضاً فضائيات للطبخ..

"فتافيت" ، قناة يمتلكها حسب معلوماتي- وصححوني إن أخطأت-يوسف الديب صاحب شركة "تخيل" التي أنتجت فيلم "الأبناء الصغار" لدريد لحام وحنان ترك ، وهي القناة العربية الوحيدة حالياً المتخصصة في الطبخ .. رغم أنها تقدم برنامجين عربيين فقط للطبخ هما "سمر خمس نجوم" و "أكلات عباس السرية" ، والباقي أجنبي ومترجم منها ما هو معروف جداً كـ"مارثا ستيورات" و "راتشيل راي" و "the naked chef"..

الغريب هو ما شاهدته اليوم على هذه القناة وقت أن قلبتها صدفة ظهر اليوم ، القناة تبحث عن مشتري!

نعم .. القناة تبحث عن مستثمر يشتري حقوق البث لتلك القناة .. جاء ذلك صراحةً في إعلان شاهدته اليوم.. يبدو أن القناة متعثرة مادياً على حق .. ويحسب للقناة أنها "جابت م الآخر" ، لم تطلب تبرعات ولا مساعدات كما تفعل بعض القنوات التي تقف في ظروف مشابهة ، هي فقط تطلب ، وتنتظر المنقذ السوبر مان القادر على تحمل نفقات قناة متخصصة في شئون الطبخ ..

المفارقة هنا أن رغم شهرة ونجاح برامج الطبخ ، بما فيها حتى برنامج شريف مدكور-والتي جلبت لها رعاة وممولين ، إلا أن القناة التي تبث وصفات الطبخ ليل نهار تتعثر مادياً ، وبهذا الشكل!

عموماً .. هل ستبقى "فتافيت" قناة للطبخ في عهد المستثمر الجديد؟ أم أن البيه يخطط لأن "يقلبها حاجة تانية"؟ الله أعلم..

5 comments:

زمان الوصل said...

قناه للطبخ و الناس مش لاقيه تاكل !! طبيعى تبحث عن مشترى ..

saso said...

متأخرة موووووت
بس أول الاحظ البروفايل
كل سنة وانت طيب
:)

قلم جاف said...

العزيزة ساسو : وأنت بألف خير ، وما أعتقدش إن التهنئة جات متأخر قوي .. :)

العزيزة زمان الوصل :

عندك حق .. الجعان بيحلم بسوق العيش ..

الأكل نفسه غير إنه ضرورة حياة هو برضه من المتع البشرية والحسية اللي ربنا خلقها لنا .. متعة طبقية للي مش لاقي ياكل وهو بيشوف أصناف أكل مش حيشوفها إلا في القنوات والبرامج المخصصة للطبيخ ، وأهل الوسط عندهم حب استطلاع يشوفوا الناس الهاي بتاكل إزاي..

برامج الأكل مشاريع ناجحة في حد ذاتها إذا اتعملت صح ، فيه برامج شهيرة زي "مع أسامة أطيب" في دبي ، الشيف رمزي في المستقبل ، وحتى برنامج شريف مدكور أياً كانت التحفظات عليه..

كانت الخطوة الطبيعية التالية والمنطقية إن تبقى فيه قنوات خاصة للطبخ..

فتافيت حاولت تبقى أول واحدة ، وواجهت مشاكل كبيرة ، بدليل إن معظم ساعات بثها أجنبي مترجم بيتم شراؤه ، ومش لاقية لغاية دلوقت فلوس تعمل بيها برامج خاصة من إنتاجها..

مجال مش مطروق وناجح= فلوس كتيرة للغاوي اللي بينقط بطاقيته!

زمان الوصل said...

الفكره أن الطبيخ فى حد ذاته موضوع مملّ بالنسبة لى على الاقل
اقصد انه ليس الموضوع الذى يملأ فراغ قناه بحالها !! ده بكبيره يتعمل له برنامج أو حتى فقره فى برنامج ..

ناس كتير كانت بتعجب ببرنامج منى -تصدق نسيت اسمها- بتاع صحى و مفيد .. بس انا كنت باحس انه بيوصل رسائل اخرى غير الطبيخ المستفز الذى كانت تقدمه
يعنى اختيارات الخضراوات الغير مألوفه و التعليق إنّها موجوده فى اى سوبر ماركت كبير .. ادوات المطبخ اللى اعرف ان ناس كانت بتشوف البرنامج مخصوص عشان تتملى فى جمالها .. افتكرت كان اسمها منى عامر

المهم منى عامر اما استضافوها فى العاشره مساء زادت فى ضيقى منها و هى بتتكلم عن الاكل الصحى المفيد بتاع الناس الفقرا و الدكتور اللى كان بيتكلم عن استبدال العيش بنص كيلو لبن و الآراء اللى تشلّك و انت قاعد دى
:)

Ahmad said...

إزاي تعتبروا برنامج من كل بلد أكلة ده برنامج طبخ! ده المحترم شريف مدكور حوله إلى برنامج من كل بلد رقصة! والسيدات الفاضلات اللى بيتصلوا به وبيتكلموا معه بمنتهى الفجور أضافوا إليه من كل منطقة في مصر مسخرة! ورجالتهم فرحانين بهم وكأن المسألة لا تمسهم! ياسلام على اللى المحترمة اللى قالت لشريف : ده أنت ألذ من كل الأكل اللى بتقدمه لنا ياشريف! شوفتوا فسوق بالشكل ده في أي قناة في العالم! والدلوعة شري مدكور مسخسخة من الفرحة! وطبعا هي اللي بتفسح المجال لهؤلاء المحترمات أنهم يعملوا المهازل اللى تسئ لسمعة مصر والمصريين وحسبنا الله ونعم الوكيل. ربنا ينتقم من اللى كان السبب في اكتشاف هذا المخنث شريف مدكور