Saturday, September 26, 2009

فرجات آخر الشهر

* ما هو البلد -الوحيد في العالم- الذي يمكن فيه تقليد رئيس وزرائه قليل الظهور في الميديا وقليل "اللزم" في الوقت الذي يستحيل فيه تقليد صحفيين كلاهما "ملاقف" تقليد؟

* وما الذي يستحق كل هذا الثناء في ظهور السيدة "ليلى علوي" في مسلسلين كل منهما خمس عشر حلقة بدلاً من مسلسل واحد من ثلاثين حلقة؟ ما الفرق إذا كنت كمتابع شعرت أن المسلسل واحد له قصتين "مثل الصين دولة واحدة ونظامين"؟.. كتاب الأعمدة صاروا يبحثون عن حيل "تايواني" لزوم "القرع" لأصحابهم وأحبابهم..

* عندنا كتاب ينقلون من الصفحة الأخيرة من "المصري اليوم" و"الدستور" وأخواتها، وآخرون ينقلون من الدراما الأجنبية لدرجة يصبح فيها بعضهم أمريكياً أكثر من الأمريكان أنفسهم ، أما بعضهم الآخر أصبح ظريفاً لدرجة من الممكن أن يخبره منتج ما بأنه معجب بمسلسلات friends و 24و Everybody loves Raymond فيؤلف هذا "البعض الآخر" مسلسلاً يمكن تسميته : Everybody loves 24 friends!

* مسلسل "أفراح إبليس" كئيب كـ"فرجة" باستثناء الحلقة الأخيرة، والتي كانت غاية في الكوميديا!

* بالمناسبة .. جزء تااااااااني؟ هو لسة ما اتفقعتش م الأولاني؟

* كم كان السيناريست "بشير الديك" "خفيف الظل" عندما برر الحوارات الألمانية العربية في المسلسل بأن هناك اتفاقاً بينه وبين المشاهد على أن الحوار يدور بالعربية بينما هو في واقع الأمر يدور بلغة أخرى، وإيه، أنه جرب "ذلك" في "مسلسل" "أماكن في القلب" ،ونجح!

* أما لمن لا يشبعون من الضحك الحقيقي، أرشح لهم فيلم "الغرفة 707".. حيث "إيهاب راضي" يسير على "نهج" "المخرج" "الكبير" "إبراهيم عفيفي"!

* فاتت المسئولين في ماسبيرو في رمضان الفائت فكرة بمليون جنيه ، مسابقة في الأسبوع الأخير من رمضان يتوقع فيها المشاهدون موعد بدء المسلسل على قناة "نايل دراما"!

* إحساس شخصي : "خالد يوسف" سيخرج مسلسلاً في رمضان القادم!

* إلى المخضرم "نادر جلال" : إذا كنت لا تستطيع إخفاء السيارات الحديثة في أوروبا ، فلماذا لم تتمكن من إخفائها في الاستوديو الذي صورت به مشاهد "داخلي مصر"؟.. الكبار دائماً ما يخطئون أخطاءً كبيرة..

* "حسن الرداد" ممثل مجتهد ، وحظه حلو ، بدليل أنه نجح في الفكاك ولو مؤقتاً من سجن المنتج "محمد فوزي" والذي سجن فيه كل زملائه من فرقة "الدالي"!

* بطء الإيقاع في "ابن الأرندلي" غطى على نجاح مؤلفه ومخرجته في كتابة وتصميم عالم "ابن الأرندلي".. وعلى نجاح "دلال عبد العزيز" و "معالي زايد" في إعادة اكتشاف نفسيهما..

* أخيراً.. انتظروا "محمد حسني" صاحب دور "بقلة" في "الأرندلي"، ومعهم "محمد علي الدين" و "خالد عليش" نجما "لمبة شو" ، ومعهم الممثل الذي قلد "حسن عبد الحميد" في حلقة "دموع في عيون وقحة" من "مسلسلات كوم" ولا يحضرني اسمه للأسف .. الأربعة كوميديانات ، ولكن يمكنهم فعل ما هو أكثر بكثير من الإضحاك..

5 comments:

محمود مخلص said...

انا قعدت ضحكت ضحك علي المخرج الكبير ابراهيم عفيفي ده وشكله الغريب والي كانوا معاه الي اقنعوا نفسهم بأنه مخرج عبقري

HopiZ said...

ana ma3ak fe ara2ak fel 7agat elly shoftaha
bas mesh ma3ak fe mosalsal 7ekayat ben3eshha
le2any mesh shyfa en el keseten fehom shabah men ba3d kol wa7da 7adota we 3alam we mood
we el ta7ay le layla 3elwy le2anha memasela 7elw awy awy
we le2naha a7yet fekret el 15 7ala2a
ana afteker en zaman men about 13 14 sana kan fe ramadan mosalsal 7ayat el gohary le yosra 15 7ala2a we mosalsal kan le yehia elfakarny ba2y ramadan
fa elfekra mesh gededa enaha heya a7yetha
we en elmosahheden 3agabhom el mood nafso
mafesh tatwel, we mafesh da3y leltatwel, eltarkez 3ala 7ala mo3ayana we shel ba3d el tafasel elly momken elmoshahed yekamelha 7elwa bardo
we sorry 3al franko arab , bas deh moshkela 3andy eny ma3andesh 3araby, we kan nefsy 2a2olak el bo2en dol
begad nice posts we bastna begad forgat a7'er el shahr kol a7'er shahr
salam

قلم جاف said...

hopiz:

أولاً أتمنى إن مشكلة الكيبورد العربي تتحل لأنها للأسف الشديد موجودة عند ناس كتير ..

ثانياً.. أنا متفق معاكي ودة يأيد وجهة نظري..

الأصل في المسلسل إنه ما يزيدش عن ستاشر أو سبعتاشر حلقة بالميت ، "رأفت الهجان" كان 16 حلقة في جزئه الأول ، "الحلمية" ج1 كان برضه 16 ، "دموع في عيون وقحة" كان بيتهيألي 16 ، وحتى "محمد صبحي" كان بيعمل المسلسل 27 حلقة بس كان زمن الحلقة 35 دقيقة بس..

صحيح إن الرجوع للحق فضيلة ، لكن الرجوع للأصل هو الشيء الطبيعي ، وقصر فترة المسلسل هي الأصل في الأشياء ..

المفاجأة بقى اللي عرفته بعد كدة من إن قصة الجزء الأولاني من "حكايات وبنعيشها" اللي كتبها "حازم الحديدي" مأخوذة عن مشكلة في "بريد الأهرام" تابعها الصحفي "أحمد البري" مسئول الملف في "الأهرام"..

http://www.almesryoon.com/ShowDetails.asp?NewID=70373

قلم جاف said...

محمود مخلص :

الراجل دة له في النجوم علامات زي ما بيقولوا .. اللي يشوف عشر مشاهد على بعضهم من "قبضة الهلالي" و "العجوز والبلطجي" حيحسسك إنك واقف قدام مخرج أكبر من محطة مصر!

"فطين عبد الوهاب" كان بيخرج فيلم كوميدي ، "إبراهيم عفيفي" إخراجه كوميدي!

حقيقي لو مكتئب ومزاجك وحش وضغطك قوي لا بيعلى ولا بينزل أنصحك تشوف الفيلمين المذكورين ، وانت حتضحك ضحك على الإخراج العبقراوي اللي محصلش ومش في مصلحة فن السينما في مصر إنه يحصل تاني..

HopiZ said...

fe3lan? te3raf eny ana we ana batfarag 3ala 'hala we el met7'by' 2olt eno aked moshkela 7a2e2ya, bedalel en keset el mosalsel betetkalem 3an kesor fe el kanon tam tas7e7o we dah elly 2aloh fe a7'er el mosalsal en tam ta3del el kanon le 3ekobet el ab aw el om elly yebe3o weladohom bel7abs we el3'arama
-------
we belnesba le no2tet en el asl fel mosalsal eno 2osayer fe3lan dah 7a2e2y gedanw we mesh moda gededa en el nas 7aba el rego3 lel mosalsat el 2osayara, la dah el asl fe ay wa2t hatla2y en el mosalsal elly mafehosh matw e tatwel howa elly beyb2a fel zakera
we may2dersh el moshahed eno yefawet 7ala2a men el mosalsal
men ye2der yensa mosalsal ' bakeza we za3'lol' masalan
we tela2y dayman el mosalsat el monfesa aw motasala monfasela zay mozakert zog mo3aser masalan aw yawmeyat wanes betshed el moshehed bardo le2an mafesh tatwel, we el a7das motala72a