Friday, February 11, 2011

فجر يوم جديد



ويجعله فرحة إن شاء الله..



*الصورة من maxforms

8 comments:

saso said...

وأي فرحة
وشوش الناس في الشوارع مشفتهاش كده ف عمري كله

mado said...

85 مليون مبرك, انا مقيم خارج مصر من ساعة الخبر وانا بابكي فرحة و حزن اني مش في مصر طول اليوم بدور علي المصريين هنا علشان احضنهم, والف في المدونات ابارك,اول مرة احس اني في ضهري 85مليون حر شريف ,بس ملحو قة دي اول خطوة ,يلا بينا نبني مصر.

قلم جاف said...

العزيزة ساسو:

الناس دي أحلى حاجة في الحوار كله ، سواء الناس اللي قدموا سلوك متحضر طوال فترة الثورة ، أو الناس اللي نزلت تحتفل.. من حق الناس دي تفرح بجد وتتأمل في مستقبل أفضل وأحسن ليها ولولادها..

الثورة دي لازم تبقى ليهم ، مش لتيار المال السياسي ولا لنخبتهم ولا للأحزاب ولا للجماعات ولا للحزبوطني ولا للمنتفعين..

قلم جاف said...

العزيز مادو:

زي ما قلت الله ينور عليك.. أول خطوة.. أهم من النجاح الحفاظ عليه ، وأتمنى ما نقفش بس على الخطوة اللي اتعملت..

وأهم خطوة في رأيي وفي الوقت الحالي نفصل ما بين اللي حصل وبين الاعتصامات الفئوية اللي شغالة اليومين دول وبيحاول بعض الناس يحسبوها على الناس اللي نزلت في التحرير واتضربت في السويس وأماكن تانية.. الاعتصامات الفئوية عفريت حضره المال السياسي لمدة خمس سنوات في حربه مع النظام وخرج العفريت عن السيطرة.. خرج حتى في رأيي على أصحابه لأن رجال الأعمال نفسهم اللي كانوا بيشتموا في "سيمبا" همة اللي نصصوا مع أخوه ونهبوا البلد زي ما التانيين نهبوه ، وكان ممكن يشكلوا بديل قوي يمتص العمالة من القطاع الحكومي اللي ابتلع العمالة لأسباب معظمها سياسي.. لكنهم هربوا همة الاخرين من التنمية وفالحين بس في التحريض والتحريك على الاعتصام بحق وأحياناً بدون حق.. لدرجة إن اللي اعتصموا بدون حق وجابتهم ميديا المال السياسي وجرايده وفضائياته وعملت منهم أبطال أساءوا فعلاً للي عندهم قضايا ومشاكل حقيقية..

الدرويش المرووش said...

آميييييين يا رب


إن شاء الله فجر عهد جديد
كل خير على مصر و على جيران مصر

نفسى نسيب لولادنا بلد محترمه

قلم جاف said...

والأهم إن احنا نفسنا نتغير..

يا سلام لو كانت الناس اتغيرت قبل ما فكرت تنزل التحرير..

كان ساعتها حيبقى البناء على أساس متين ، والحشو اتعمل على نضافة..

لكني مع سعادتي بسعادة الناس دي كلها.. خايف لتكون الصدمة شديدة عليهم لو اكتشفوا إن مش بس أشخاص النظام ولا أسلوب النظام هو اللي لازم يتغير ، وإن حاجات تانية كتير لازم تتصلح تحت علشان نعرف نصلح فوق كويس..

mado said...

لو تسمحلي اقول راى، انا شايف ان الاهم الان وقبل كل شئ التركيز والعمل علي دستور ينزع السلطات الالهية لرئيس الجمهورية و توزيع السلطات ووجود طرق للمراقبة،اي تركيزعلي الامور الاخرى هو تضيع لمجهود بدون فاءدة الان.
انا افهم مطالب الفءات ىوالعمال لكن ممن يطلبون؟ من نفس العقلية الموجودة في نظام مبارك، بالاضافة الي ان كثير ممن يطالبون بزيادة الاجور هم مشتركون في الفساد حيث تم توظيفهم بناء علي واسطة او اموال مدفوعة.مثلا رئيس لجنة النقل والمواصلات في مجلس الشعب لاكثر من عشرين عام جعل علي الاقل نصف المناصب المهمة في الشركة المصرية لاتصالات من نصيب اقاربة،المستشار احمد مكي الذي وياللعجب يطالبوه الناس بالاصلاح هو شخص جعل معظم اقاربه من خريجي الحقوق بتقدير مقبول يصبحوا قضاة، انا ذكرت الامثلة دي لتوضيح ان بعض الفءات الان تعمل بطريقة العجل وقع هاتوا السكينة.

قلم جاف said...

ونفس ما قلته ينطبق أيضاً على "جودت الملط".. صدق أو لا تصدق..

لا يمكن حصر مظاهرات المطالب الفئوية أبداً فيما بعد مبارك ، تلك المظاهرات بدأت وزادت قوتها في السنوات الخمس الأخيرة في عهد مبارك.. دعمها تيار المال السياسي بشكل أو بآخر ، بالتحريض في حالات ، والدعم في أخرى .. وبثقافة الأنا التي كرسها في إعلامه.. مصلحتي أنا .. مكاسبي أنا.. مكتسباتي أنا .. لا تهم الطريقة ولا المشروعية..

أتظاهر من أجل المنصب الذي حصلت عليه برشوة ، ومن أجل مكافآت لا أستحقها لكني أريدها .. أتظاهر من أجل امتيازات هي حق مكتسب لي..

هذا هو منطق المظاهرات الفئوية..

أضم صوتي لصوتك في المطالبة بدستور يكون فيه الرئيس الحكم بين السلطات ، أن يتم توزيع السلطة بعدالة بين المجالس النيابية ومجلس الوزراء والسلطة القضائية والأجهزة الرقابية دون أن يعدو بعضها على الآخر ، ولا نجد جهازاً رقابياً يمارس السياسة ، أو مجلس شعب يبيع الخدمات للناس لحساب الأحزاب..

أضم صوتي لصوتك في المطالبة بآليات ونظم محاسبة يخضع لها الجميع ، ولا يخرج عنها جهاز رقابي لأنه رقابي ، مش معقول أسيب جهاز رقابي ما يتحاسبش لإن أعضاؤه جايين على نفسهم وبيضحوا علشاننا بالرقابة على باقي المجتمع..

أضم صوتي لصوتك وعارف إن تيار المال السياسي برجعيته حيقف أول واحد ضد مناخ ديمقراطي نظيف بحق وحقيقي..ولو فيه ثورة مضادة حيقف التيار دة معاها بكل ما أوتي..

وكما قال الشاعر : ويأتيك بالأنباء ما لم تزود