Friday, September 29, 2006

فرجات آخر الشهر

* في مسلسل سوق الخضار ، بنى الماكياج على وجه فيفي عبده سوقاً آخر للخضار!

* شكراً لسهير رمزي ، فمسلسلها الجديد - من دون أن تشعر هي ولا نتوقع نحن - أفضل مسلسل "كوميدي" في رمضان هذا العام!

* لكن في المقابل ، أين كان الصحفيون الأكارم الذين يطالبون سهير رمزي على صفحات الجرائد الآن بالاعتزال منها قبل الاعتزال؟ ألم تكن قبل الاعتزال ممثلة متواضعة ، أم أن تواضع الممثلة لا يظهر إلا إذا ارتدت الحجاب؟ سؤال شرير وغلس وياريت يستحملوني فيه!

* أنهى المصريون سبتمبر وهناك سؤالان يحيراهم بشدة ، الأول : ما هو السنجلاب الذي يغني له شاندو لمدة خمس دقائق متصلة؟ ، والثاني : هل "نيجار" حبوب أم كبسولات؟

* يكتب بلغة مختلفة ، وبأحاسيس مختلفة ، ويجذبك لسماع أشعاره رغم أن "أولاد الشوارع" ثاني تجربة له بعد سارة .. الموهوب الحقيقي خميس عز العرب..

* الخوف كل الخوف أن يكمل يوسف معاطي العمل الذي بدأه أحمد صقر مع يحيى الفخراني في المرسى والبحار!

* فتحي عبد الوهاب من الممكن أن يقف مستريحاً على صدارة نجوم الكوميديا في مصر .. بشرط أن يستمر في طريقة تمثيله الحالية للأدوار غير الكوميدية!

* كل ممثلة لا يعرض لها مسلسل في التليفزيون تقول "لن أقف على باب الوزير".. حد قالكم إن احنا مستنيينكم؟

* اللي يشوف كاميرة غيره الخفية ، تهون عليه عصابة بيسو!

* يقول المطرب الشاب محمد حماقي أن نصاباً انتحل شخصيته وأدلى بتصريح لموقع على إنترنت.. أعتقد أن نصاباً كهذا نعمة بالنسبة للمطرب ولغيره ..أقله يجد شماعة مناسبة يعلق عليها تصريحاته المتضاربة!

* أخشى أن نفاجأ ، بعد أن سمعنا تتر ختام سكة الهلالي ، على سخريته من الواقع المر ، بأيمن بهجت قمر وهو يكتب أوبريتاً غنائياً للحزب الوطني!

* وجهة نظر : رمضان هذا العام يخلو من أي مسلسل لأسامة أنور عكاشة.. أنا شخصياً أرى أن رمضان من الممكن أن يكون رمضاناً في غياب أسامة أنور عكاشة ، وسيكون أفضل في غياب مجدي صابر!

** وأخيراً أعتذر على تأخير فرجات آخر الشهر .. السبب قهري جداً وهي إني باتلم على النت بصعوبة شديدة .. وكاتب التدوينة دي على كذا مرة.. ولسة الكلام عن رمضان ومشاهده وما أكثرها .. مانتهاش..

23 comments:

Mai Kamel said...

نسيت تعلق على كاش تاكسي
انا اتشليت من خمس دقايق بس اتفرجتهم ع البرنامج
قاتل قاتل قاتل

بجد جرب تتفرج مرة وانا متاكدة انك مش هتبخل عليه ببوست كامل
:)
وحشني قلمك الجاف يا فندم

Ossama said...

حقيقي جميل يا شريف
رغم اني مبشوفش القنوات العربي
لان ربنا رحني ومعنديش نايلسات
ومبيجوش كويس على الهوت بيرد
الا اني معاك قوي في موضوع فتحي عبد الوهاب
وايضا في موضوع سهير رمزي
وهي من امتى مثلت؟؟
والاكادة فيفي عبده دي اكبر من جدة الخليفة المستنصر الفاطمي بتاع المجاعة
يا اخي اللي اختشوا ماتوا في مصر بجد

قلم جاف said...

أستاذ أسامة .. أكيد حتضحك لما أفكرك إن السنة اللي فاتت فيفي عبده عملت دور رئيس تحرير في مسلسل اسمه طائر الحب! .. طائر في الهوى شاااشي !

مي :

تدويناتك واحشاني أكثر ،دة أولاً

ثانياً..البرنامج المذكور يشل ، وهو يشبه من بعيد لبرنامج كاميرا خفية شلل كان بييجي في مصر من سنتين اسمه التاكسي..

كل ما بأشوف القنوات دي يا بتكعبل في برنامج كاميرا غبية يا في برنامج كوميدي من بتاعهم .. نظرية الإضحاك بالذوق وبالعافية وبالدراع.. حاجة بقت تفقع..

Ossama said...

بس دي يا شريف طبيعية جدا اصلها تشبه رؤساء التحرير في حاجة مهمة كلهم مبيعرفوش لا يقروا ولا يكتبوا

محمد أبو زيد said...

أخشى أن نفاجأ ، بعد أن سمعنا تتر ختام سكة الهلالي ، على سخريته من الواقع المر ، بأيمن بهجت قمر وهو يكتب أوبريتاً غنائياً للحزب الوطني



هههههه
طب ما يمكن الحزب الوطني ياخد التتر الاخير ده ويعمله الشعار بتاعه ، للانطلاقة الثانية نحو المستهبل ، قصدي المستقبل

saso said...

نفس الكارثة بتاعة الفخراني في مهزلة البحار.. فيفي عبدة علشان ترضي قناة الراي اللي واضح انها بقي ملاكي للست فيفي بقت شابه و ساذجة
يعني السنة اللي فاتت كانت ماما لطارق لطفي والسنة دي طلعت شابة مستنية تتجوز
ياااة هوا موضوع العنوسه طلع جد اوي كدة؟
الست سهير والست صابرين بهدلوني ميك اب
ثم صابرين مكانتش بتحط كمية البتاع دة في الاول هوا غالبا التناسب عكسي

اوعي تتفرج علي تامر وشوقية انا شفت 4 حلقات من اول رمضان اسوأ بكتير من شباب ع الهوا الولد ده لازم يقعد في البيت نزولا علي رغبة الجماهير.. وياخد معاة مجدي صابر ومحمد عبد النبي اللي اتصدمت فية في الفوازير الهابطة علي قناة الوليد
خالد سليم ياريتة ما كان مثل ولا في افلامة الفاشلة ولا المسلسل كان ممكن افضل اسمعه.. علي الاقل مكنتش بشوف شعرة اللي مستنية الجيل يوقعة بفارغ الصبر.. ولا تركيزة مع حركة الكاميرا اللي بيدوخني وانا باتفرج
لا فية حاجات كتير اوي بس محدش هيكتب عنها زيك
ماتتأخرش اوي
:)

حاجات ومحتاجات said...

امال لو شفت الهام شاهين في احلام لا تنام حاجة بصراحة ترفع الضغط
قال بتمشي في البلد الرجالة يتخانقوا عليها وبوصف الجميع في المسلسل فهي حلوة وزي القمر وصغيرة
هههههه

Anonymous said...

عندما يتحول رمضان إلى موسم استرزاق..دون دراية أو فهم لما يريده المشاهدون فعلاً.. وفي غياب نظام التقديرات أو Ratings لنسب المشاهدة ونوعية المتفرجين -وهو النظام المعمول به في أي بلد يفهم في العمل التلفزيوني- فإنك يمكن أن تشاهد أي شيء وتجد أمامك أي وجبة تلفزيونية والسلام
استهانة بالمشاهد إلى أقصى حد
المضحك أنني قرأت في جريدة نقلاً عن فريق عمل "تامر وشوقية" - المسروق من "جريج ودارما" مع توليفة من Friends وٍSienfield- إن كتابة العمل استغرقت ثلاث سنوات...وتحياتي لهذا الإنجاز التلفزيوني الفذ

قلم جاف said...

الأستاذ ياسر :

لعمرك إنه لخبر الموسم .. أول مرة أعرف إن سرقة مسلسل أجنبي تاخد تلات سنين شغل.. لصوص الدراما بيتعبوا والله..

أنا شخصياً احتجت لدقيقتين فقط لأكتشف إنه مسروق من دارما وجريج..

مش عيب إن يبقى في سيت كوم مصري ، بس يبقى مصري .. مش مفتعل ولا سمج ..

حاجات ومحتاجات :

إلهام شاهين وأخريات تعشقن مسألة "التمثيل ضد الزمن" - على غرار الجري ضد الساعة في الرياضة .. من العادي أن يكون الممثل أو تكون الممثلة مربعنة (عندها حاجة واربعين سنة) وتعمل دور طالبة في الجامعة .. وإنها لازم تفضل الأنثى المرغوبة حتى ولو بتغير طقم سنانها مرتين في الشهر..

المسلسل "كئيب" بوجه عام ، وإذا كان البعض هاجم "الدم والنار" على أساس إن فيه كمية صوات وعويل ، فالمسلسل دة ألعن وأضل سبيلاً ، مضافاً إلى كمية "التهسيوأت" -خليط بين كلمة التهيؤات والتهييس- المسماة مسلسلات الصعيد .. واللورد مندور أبو الدهب الشهير بجمال سليمان (أول صعيدي بريطاني على الشاشة المصرية)!

ساسو :

الشيء الوحيد اللي عجبني في آن الأوان أغنية لحنها فاروق الشرنوبي وغناها على العود .. فقط!

بخصوص إن المسلسل يتسمع، هية دي بقى الانطلاقة نحو المستقبل في الدراما المصرية ..زمان كان المسلسل "التليفزيوني" بيتشاف.. دلوقت وبفضل قبضايات الدراما الجدد بقى بيتسمع بس .. ومش بعيد نلاقي مجدي صابر يعمل مسلسل "يتشم"!

ولتذهب كل الجوانب البصرية إلى الجحيم .. وإديها فلاتر إديها ..

الأستاذ محمد :

بيني وبينك .. مهما حاول يوسف معاطي يوصل لنا إن حزب الوحدة اللي في المسلسل هو الحزب الوطني البيروقراطي مش حأصدقه..

يوسف معاطي مسكين .. تاه بين الكتابة للأطفال والكلام في السياسة.. رغم إن أفلامه اللي كتبها للسينما من عينة محروق بتاع الوزير والزفارة في الشيكارة ما كانتش أفلام أطفال بالمرة!

قلم جاف said...

تذييل :

ياريت كان يوسف معاطي كاتب أطفال ، أقله علشان نقبل منه أو نتفهم كثيراً مما رأيناه في عباس الأهطل وسكة الكابتن الهلالي!

Anonymous said...

مازلت أؤكد إني مش بتابع التليفزيون ... لظروف الزواج القهرية :)
لكن لاحظت تقدم كبير في نوعية البرامج اللي بتقدمها القناة الأولى الأرضية !!!
معجبة جدا ببرنامج أنا و الناس لحسين فهمي

مش عاجبني الرسالة اللي بيحاولوا يبرمجوها في مخ الأطفال عن طريق كارتون بكار السنه دي بشكل غريب
لو لاحظت إن كل الكلام بيدور عن الصراع بين الأولاد و البنات (المطالبة بتحرير المرأة من تسلط الرجل والكارتون من إخراج دز منى أبو النصر ) بشكل مستفز و كلام غريب من نوعية... لا لا لا أنا محبش الأولاد لما يفتكروا إنهم أحسن من البنات... البنت زي الولد تمام وتعرف تلعب كورة زيه بالضبط... آه و الله ده كان في واحدة من الحلقات

قلم جاف said...

بكار كرتون فقد ظله تماماً.. ومش حنفضل نعيش عليه على أساس إنه حقق بعض النجاح قبل دة ..

وتمرير الرسايل عبر الكرتون بالشكل دة فج ومقرف ، دة بيخليه أقرب لتنويهات وزارة الصحة والسكان!

زمان الوصل said...

طالما طال بكّار داء التوريث .. فتوقّعوا ان ينحدر مستواه الى هذا الحضيض ..

admelmasry said...

من قلبي بحيييك .. بصراحه
عجبني تحليلك

قلم جاف said...

الله يخليك يا آدم ..

زمان الوصل و مي 2:

حتى إن أراد المجلس القومي للمرأة توصيل قيم ما عن طريق بكار .. أرى أن الأسلوب مباشر وسطحي وغشيم ، وهي عادة فينا ولا نشتريها عادة..

بكار نفسه استنفذ أغراضه ، وحان الوقت لتحل فلسفة أخرى مكان فلسفة منى أبو النصر في بناء شخصية كرتونية مصرية .. بكار ليس نهاية العالم ولا غاية المراد .. وأطفالنا ليسوا معضلة والوصول لهم ليس مستحيلاً حتى في ظل غياب منى أبو النصر عن عالم الأحياء .. حقيقة يختلف معي فيها بشدة القائمون على بكار الحالي .. وعلى رأي أخويا : كل واحد "دماغه عاجباه"!

زمان الوصل said...

فى بكّار تتمثّل كثير من القيم المصريه الذميمه

ما إن يفتح أحدهم محل كشرى فى مكان و يصيب بعض النجاح حتى تملأ محلاّت الكشرى المنطقه لتعوم على وش التقليه !! و بسبب نجاح بكّار فى بداياته تجمّد الفكر الإبداعى كأن بكّار هو نهاية المطاف .. وبدلا من أن يتوقّف بكّار او يتطوّر تطوّرا طبيعيا مثل الحاجه الساقعه إذا به يتقهقر !!

وفى بكّار يتمثّل التوريث .. توريث حتى فى الفن الذى لا يحتمل مجاملة ولا محاباه !! و يرث الابن برنامج الأم ولا أجدعها عزبه فى ميت أبو الكوم !! ولا أفهم تحت أى منطق اختير الابن لتكملة المسيره وما هى سوابقه الفنّبه كى يقوم بهذا الدور !! وحيث انه ورث البرنامج على الجاهز ما الذى يدفعه إذن للإبداع !!

وفى بكّار استغلال السلطه لكل ما هو ناجح لتوصيل رساله غير مباشره بطريقه فى منتهى المباشره و السطحيه !! فيفسد الناجح و تظل الرساله عالقه دون ان تصل للمعنيين بها !! حاجه تقرف

Ossama said...

انا بالمصادفة شفت حلقة واصريت على متابعتها من مسلسل صعب جدا اسمه ابويا هو السبب
حاجة صعبة جدا على كل المستويات حوار ركيك ومفتعل و صراع كذاب و انماط مكررة وتمثيل قمة في الروعة الدالة على التخلف العقلي و الهلاوس
ومعالي زايد بتصرخ طول الوقت ابني خرج برة
وبعدين يطلع ابنها ده شحط عنده فوق العشرين
مش معقول يا ناس اللي بيحصل فينا ده!!!احنا برضه ولاد ناس يا قلم
بجد ياشريف مسلسلات تخلف عقلي وعته
طب الناس بتتفرج ليه؟؟
عشان مقدمهاشحاجة تانية دي حاجة
عشان فعلا محدش مهتم ان الناس تتفرج او لأ
يعني ببساطة الجمهور ليس له دور لا في اتخاذ القرار الاعلاني ولا المعلن همه يعلن ولا اي حاجة وهي شبكة من المصالح والفساد
و اديله مترحموش

قلم جاف said...

فكرة حلوة قوي تسمية المسلسلات بأسمائها، أمال حتقول إيه لو شفت "سكة الهلالي"-بفتح السين ، ولا كلب الدنيا (القاف ساعات بتقلب كاف) ، ولا الست أحلام مش عارفة تنام (من أجمل ما قيل فيه من تعليقات تعليق لأخويا بيصفه فيه بأنه مسلسل "غامق")، ولا حدائق الشوشو (إحنا الشعب الوحيد اللي دلع الشيطان) من بطولة اللورد جمال سليمان ومن افتكاس محمد صفاء عامر..

أنا شخصياً لو بإيدي حأعمل مسلسل من دول على طريقة ليسلي نيلسن .. وحنضحك ضحك!

Mokaky said...

معلش عندي سؤال هو انت لما كتبت هل "نيجار" حبوب أم كبسولات؟
ده كان تهكم و سخرية من نيجار؟؟؟ اوعي تكون كده بجد ازعل قوي دي زي القمر :)

قلم جاف said...

لا أقصد السخرية من الوجه الجديد إيمان العاصي .. لكن الاسم الذي اختاره المؤلف للشخصية غريب بما يكفي!

قلم جاف said...

آخر خبر : نشرت جريدة المصريون الإلكترونية أن الممثلة إيمان العاصي ، التي قامت بدور "نيجار" في "حضرة المتهم أبي" ارتدت الحجاب مؤخراً!

http://almesryoon.com/ShowDetails.asp?NewID=26167&Page=13&show=0

عقبال فؤاد نصار ما يعتزل.. مش برضه كفاية عليه كدة قوي قوي؟

Unknown said...

بصراحة أحلى بنت أمورة

Anonymous said...

wow gold
wow gold
wow power leveling
wow power leveling
wow gold@@@@
World of Warcraft Gold
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow powerleveling
wow powerleveling
wow powerleveling
rolex replica
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
replica rolex
powerleveling
powerleveling
powerleveling
powerleveling
power leveling
power leveling
powerleveling
powerleveling
power leveling
power leveling
power leveling
power leveling
power leveling
power leveling
power leveling
power leveling
rolex
wow gold
wow gold
Warcraft Gold
Warcraft Gold

中高年 転職
アルバイト 求人情報
ブライダル
転職
競馬
FX
ダイエット
お見合い
競馬 予想
新築マンション
新築マンション
コンタクトレンズ
婚約指輪
合宿免許
人材派遣
東京都 墓地
派遣会社
人材派遣
パチンコ 攻略
おなら

货架
OCR
OCR
手机词典
高速扫描
机票
灭蟑螂
蜗轮减速机
减速机
齿轮减速机
丝杆升降机
租房
租房
北京租房
北京租房
搬家公司
北京搬家
北京搬家公司
上海机票
上海机票
上海打折机票
上海打折机票
上海特价机票
上海特价机票
搬家公司
搬家公司
北京搬家公司
北京搬家公司

dfdhfgjfgjf