Monday, March 26, 2007

فرجات آخر الشهر

* لم أكن مبالغاً إذن حينما كتبت قبل بضعة أشهر في"ضيوف الشوم والندامة" عن الظهور المبالغ فيه للدكتور مصطفى الفقي!

* "ديانا كرزون" لم تفقد وزنها فقط .. بل فقدت ظلها أيضاً!

* "كارول سماحة" تبقى مجرد مطربة عادية وأقل من العادية في رأي كثيرين من متابعي الغناء الحالي ، ومع ذلك فإن فريق إعداد برنامج هالة سرحان في دريم قبل بضع سنوات ، والذي يقوده "محمد هاني" أنتج لها كليب "غريبة" قبل سنوات ، وعندما انتقل معظم الطاقم بنفس القيادة إلى برنامج البيت بيتك أنتج كليباً آخر لنفس المطربة!
طبعاً الموضوع ليس فيه "شبهة مجاملة".. أليس كذلك؟

* كذبة أبريل : "سوبر ستار" المستقبل ما زال برنامجاً لـ"الهواة"!

* ما هو "مبرر" نجاح أغنية "حسين الجسمي" "بحبك وحشتيني"؟ وما هو سر ولع "أيمن بهجت قمر" بتركيبة "مطلع عيني"؟

* يتميز الحزب الوطني عن بقية ممارسي السياسة في مصر امتلاكه لبدائل أكثر لتعذيب الشعب بصرياً .. صحيح أن الكل يتنافس على وضع لافتاته القبيحة وملصقاته في كل مكان تقريباً .. إلا أن الحزب الوطني بجلالة قدره يمتلك التوكسافين كله .. بروموهات الحزب التي يخرجها الدكتور سامي عبد العزيز!

* يرى المخرج الكبير "محمد خان" أنه من الأنسب لأفلامه أن تعرض خارج موسم الصيف كي يستطيع الجمهور تلقيها بمزاج.. وجهة نظر تحتمل بعض الوجاهة .. لكن توقيت هذا العرض أرسل رسالة أخرى ، مؤداها أنه فضل عرض فيلم "في شقة مصر الجديدة" و "السكان" نائمون!

* لسنا طماعين .. فقط نطلب من "مقاول "السراميك"" الذي قام بتبليط قناة النيل "الأزرق" للأخبار أن يعطي اهتماماً لقناة النيل للرياضة.. القناة لسة ع المحارة!

* بالمناسبة ، قناة دبي الرياضية التي تذيع "البوندزليجا" مفتوحة بدون تشفير .. أما قناة النيل للرياضة فهي مشفرة.. تفتكروا ليه؟

* البؤس بعينه أن يتحول ضيف الشوم والندامة إلى مذيع ، أتمنى ألا يكون ما نشرته المصريون عن حلول إقبال بركة مكان هالة سرحان في برنامج ست سكات - عفواً ست الستات - صحيحاً!

* بما أنني أكتب في يوم "الاستفتاء".. أتوقع أن تشنف وسائل الإعلام آذاننا بأغاني من عينة "نعم يا حبيبي نعم" و "آه ونص"!

* أخيراً .. القاسم المشترك بين "القوطة" و "الموضوعية في وسائل الإعلام" .. أن لكل منهما مواسمه!

11 comments:

Me2 said...

كارول سماحة ليها أغاني حلوة في الأول معرفش ظروفها بقت إيه دلوقتي بس الأغنية اللي كانت تلحين مروان خوري كانت تحفة

فيه ناس (بتتطس) في نظرها أما محبي الجسمي ولامؤاخذة (مطسوسين) في دماغهم

إقبال بركة وهالة (سخفان) أسخم من سيدي إلا ستي

قلم جاف said...

حمد الله ع السلامة ، وأتمنى أن تكوني بحال أفضل ، وسعيد بعودتك مرة أخرى بعد فترة التوقف تلك..

معك مئة بالمئة في مسألة حسين الجسمي ، ولنبيل شعيل أغنية لا تقل سوءاً.. مش كل واحد صوته قوي يغني..

لإقبال بركة تجربة شديدة الفشل عندما كانت الضيف الثقيل جداً على أحد البرامج - لحظة صدق على الفضائية حسبما أتذكر - السيدة الفاضلة تحاول الحلول محل عبد الوهاب مطاوع..

صحيح أن العالم لم ينته برحيل مطاوع وبرحيل من هم خير منه ومنا ، لكن الفرق رهيب بين الشخصيتين لدرجة يلحظها حتى من لم يعرف عبد الوهاب مطاوع!

saso said...

:)
ديانا كرازون ..سيبلها شوية وقت لحد ما تخلص فرحتها بلبسها الجديد وتركيز الكاميرا كلوز علي وشها وبعدين يمكن تفتكر ترجع تغني

عن المجاملات والدويتوهات الانتاجية فدة طبيعي لحد ما ..لكن كارول عموما كويسة وليها تجارب مسرح غنائي كانت بجد هايلة ..في مسرحية ليها عن المتنبي كانت بتغني اغاني حلوة وصعبة كل عرض لايف،، نوعية صوتها مختلفة ومفيهاش مساحة تجديد يمكن ..بس كويسة لحد ماتنتهي مما عندها او نملة تماما

الجسمي انا بحبة جدا جدا، يمكن باضحك اول ما اسمع صوتة علشان باتخيلة وهو بيغني بالصوت الرفيع ده،لكن الاغنية دي كرهتني فيه تماما، اصلا ايمن بهجت مبوظلي حاجات كتير من زمان وكرهني في ابو العلا البشري وفي مليون مسلسل مما تلاة، هو من ناحية وعصام كاريكا من ناحية بقوا مقررين علينا في الافلام الصيفية
والاتنين سخفاااا


ملاحظتك في محلها موضوع مطلعة عيني ..بصورتة المؤنثة مع الست نانسي ..والمذكر مع الجسمي قريب الصوت من نانسي اساسا
الاتنين صوتهم مخنوق

عن الحزب الوطني ..مش احسن من شريف صبري في حملة لا للختان..اهم مش حارميننا من حاجة

محمد خان مستنية لما اروح اتفرج ..بس التحليلات ايجابية تماما ، عدا تحليل قرأتة ان في اخر الفيلم النمرة بتاعة خالد ابو النجا موبينيل وشريحتة لما الموبايل وقع فودافون.. لكن دي كلها شكليات انت عارف
-----
كل 75.9%وانت طيب

gohayna said...

والله العظيم عندكو حق في كل الي بتقولو انت والناس الي بتعلق بس والله الاغنيه بتاعه حسين الجسمي مش وحشه اوي كدا ودي مسأله رأي ومتزعلوش مني
اما كارول سماحه فهيا صوت جميل وقوي بس مبوظه روحها بالي بتعمله الاحتشام حلو برضه
اما نانسي عجرم باه ونص ونعم يا حبيبي نعم فانت عندك حق وضيف عليهم اهيين لروبي واه اه لاهيفاء وهبي وكدا هتوصل النسبه مع الوطني ل99.999999999999999
في الميه مع انفجار الصناديق الحاويه للاصوات والحدق يفهم
تحياتي ليك ولكتابتك الجميله الي دمها خفيف جدا

Incomplete said...

اوجزت و أبلغت
مافيش حاجة اقدر أقولها بعد الكلام ده غير اني مش بحب أغنية حسين الجسمي "بحبك وحشتيني".. بس بحب له أغاني تانية
وكل استفتاء وانت طيب
تحياتي
:)

مـحـمـد مـفـيـد said...

عارف يا شريف النيل للرياضه مشفره ليه
لانها بتذيع الدوري المصري والاخوه في القناه مش مدركين حتي الان ان الفضائيه ودريم بتذيع الدوري
في نفس الوقت دبي الرياضيه مفتوحه وتذيع الدوري الالماني
الجزيره الرياضيه مفتوحه وتذيع الدوري البرتغالي
الكويت الرياضيه مفتوحه وتذيع الدوري الفرنسي
السعوديه الرياضيه مفتوحه وتذيع الدوري الارجنتيني

عرفت احنا فين بي يا عم

قلم جاف said...

عزيزي مفيد :

ولما حتشوف الكليب اللي جايبه شريف نجيب في تدوينته الأخيرة حتطالب معايا بإن القناة دي ما تتشفرش..

من حقنا ندور على قناة تضحكنا بدل الاكتئاب اللي عايشينه دة!

قلم جاف said...

Incomplete:

ما أظنش بالمناسبة إن الاستفتاء دة حيكون الأخراني ، الناس دي لما حتحب تغير الدستور حتتزنق فينا علشان تستلفنا نصوت لها ..

نفسي بقى المرة الجاية يبقى فيه إقبال كثيف في آخر ساعتين والناس كلها تصوت بـ"لا".. علشان الحكومة تعرف إن الله حق وإن فيه شعب مستبعداه من حساباتها المقصورة على مادتين تلاتة يدعموا موظفي الحزب ويحطوا سيمبا فوق روسنا..

قلم جاف said...

جهينة :

عن حسين الجسمي .. دة رأيك وأحترمه .. وإن كان رأيي إنه هو وشعيل وبتاع سوبر ستار إبراهيم الحكمي هم مطربو المصارعة الحرة ، وصلاحيتهم للغناء العاطفي الرومانسيكي شبه منعدمة!

عن نانسي وروبي : أعتقد إن الحزب حيهدي كل الناس اللي مش عاجبها التعديلات اللوذعية بتاعته أغنية روبي : ولما أقول له آه .. يقول لي هوة لأ.. يجرحني وأقول له آه ، يقول لي برضه لأ.. لأ.. لأ..لأ.. لأ..!

خالص تقديري

قلم جاف said...

العزيزة ساسو :

1-الاستفتاء : ناس أصحابي راحوا صوتوا استغربوا إن اللجنة "هِو" والصناديق مليانة..أنا شخصياً كانت ليا نفس الملاحظة .. لا تعليق..

2-ربما أتفرج على الفيلم ، وإن كنت ح أعصر على نفسي 2 كيلو ليمون أضاليا بما إن مشاهدة غادة عادل بتمثل أمر "صعب" على "مرارة" بعض البشر ومن ضمنهم كاتب هذه السطور!

3-شريف صبري بيعرف يلعب بالصوت والألوان والصورة ، طارق نور ذكي وفاهم اللعبة الطبقية في مصر كويس وبيستخدمها في الترويج لمنتجاته ، إنما احنا عملنا إيه في سامي عبد العزيز علشان يخرج دعاية للحزب المدلل يبطحنا بيها؟

4-أيمن بهجت قمر : يمكن تقصدي "عباس الأبيض" مش "أبو العلا البشري ج2".. تتر عباس الأبيض كان بشع من حيث الكلمات ..

كاتب تتر أبو العلا البشري الجزء الثاني هو أحمد فؤاد نجم ، تتر الجزء الأول من كلمات الأبنودي..

5-مع احترامي لكارول سماحة برضه مش اسم .. المثل بيقول الغاوي ينقط بطاقيته ، مش بطاقية الحكومة .. ولذلك بأقولها أهه من مكاني هذا لمحمد هاني : خف شوية مينفعش كدة!

أغنية ديانا كرازون قبل الأخيرة "آه بمزاجي" : مفيش داعي أتكلم عليها علشان ح أغلط جامد قوي في ديانا واللي "تورطوا معاها" في "الشيء الغنائي البشع" دة..

Anima said...

ديانا كرازون كانت أحسن في الأول دي
وجهة نظري

كارول سماحة يعجبني صوتها و لكنها لا
تعرف كيف تقتني أغانيها

مصطفى الفقي ما عرفوش

سوبر ستار عمري ما شفته

مش عارفة الصراحة سر نجاح أغنية حسين الجسمي يمكن بسبب جملة مطلعة عيني


الأشياء الأخرى مصرية لا يمكنني التعليق عنها