Thursday, April 27, 2006

ليس دفاعاً عن الست نيرفانا

لا أكتب هذه السطور دفاعاً عن المدعاة نيرفانا إدريس ، فرأيي فيها معروف ، ولي فيها أكثر مما قال الإمام مالك في الخمر ، لكن يبقى إحقاق الحق..وقولة اللي لينا واللي علينا..

نيرفانا إدريس دخلت ماسبيرو ، وأثارت جو كبير من الكراهية والحقد الأسود عليها من قبل مذيعات ماسبيرو ، الحقد دة يمكن يكون سببه طبيعة وتركيبة نيرفانا إدريس كبني آدمة ، أو المبلغ اللي بتاخده على قلبها في الشهر ، لكن صدقوني فيه سبب تاني .. سبب تاني خالص أنا شايفه أهم..

نيرفانا إدريس جت من ثقافة تانية خالص غير ثقافة ماسبيرو ، اشتغلت كتير في قناة الأوربيت ، الأوربيت مهما قلنا عن القيود غير المرئية اللي بتحكمها برضك قناة حرة ، بتشتغل بشكل احترافي ، بطقم فني عالي بحق وحقيقي ، وبتتمتع بجرأة في تناول قضايا هي من المحرمات في دولة ماشخيرو العظمى ، نيرفانا نجحت في القناة دي قبل ما يركبها داء الغرور المميت ، وقبل ما تخرف التخريف اللي حصل على خلفية انتخابات الرئاسة ، واللي خلى كل الناس تتفق على كراهيتها مهما اختلفوا على اللي صوتوله أو اللي ما صوتولهوش في الانتخابات..

الثقافة الجديدة دي بتحترم النجم ، ونيرفانا جت التليفزيون وهي مشهورة ونجمة ، أياً كان الخلاف على شخصها ، طبيعي النجم في الثقافة الاحترافية ياخد فلوس أكثر .. ولا يمكن مقارنة راتب رونالدينهو وزكي تَتَّح حتى لو الاتنين لعبوا في نادي واحد ، دة في نظام احترافي صح..

نيجي بقى نشوف على الطرف الثاني ، مين اللي أشعل الحرب على المذيعة إياها ، ومين اللي "صَيَّح" ولم الصحافة وعملها حلوانة في سلوانة..

جاسمين طه زكي اللي عملوا مناحة علشان طفشت وسابت البيت .. دي إحدى مذيعات الواسطة اللي نطت على ماسبيرو بالبراشوت ، أهم برنامج قدمته قبل البيت بيتك كان أوسكار ، خلفاً لسناء منصور .. والبرنامج في وجودها فقد الكثير من بريقه.. لما اختيرت في البيت بيتك ثارت علامات استفهام ، ولما تركت البيت أصبحت تُشاهَد في الأخبار في تغطية لأنشطة السيدة الأولى.. ونعم العقوبة!

ياسمين عبد الله ، مذيعة في الفضائية ، اشتهرت بمظهرها الاسترجالي وبرنامج الأبراج ، التي كانت تقدمه على الغير مأسوف عليها الفضائية المصرية قبل أن يعاد تقديمه بصورة أخرى على قناة دريم .. عملت لبعض الوقت في برنامج صباح الخير يا مصر قبل البيت بيتك..ومن أشهر إنجازاتها المهنية تقديم حفل افتتاح قرعة كأس الأمم الأفريقية!

تامر أمين ، أو لنقل اسمه ثلاثياً : تامر أمين بسيوني .. وكأن تامر دائماً مرادف للواسطة فيكي يا بلاد العجائب (تذكروا الممثل التحفة تامر عبد المنعم ابن رئيس مجلس إدارة روزا اليوسف سابقاً)..بدأ مشواره في النيل للأخبار قبل ظهوره في نشرات قطاع الأخبار ودخوله البيت .. يتمتع بشعبية سلبية (بكراهية يعني) تنافس شعبية نيرفانا السلبية بالضبط ، والسبب هو خروجه أحياناً عن النص ، والقيام بدور محامي الحزب الوطني بشكل فج..

مشكلة الثلاثة وآخرين في ماشخيرو بسيطة .. وهي أنهم وصلوا لدرجة من الغرور والتضخم جعلتهم لا يتصورون أنه يوجد على ظهر هذا الكوكب غيرهم ، فالجزيرة قناة تهييج ، والعربية شرحه ، وام بي سي شوية تحف ، وال بي سي المتحالفة مع الحياة اللندنية دول محدش عارف لهم شكل ولا طعم ولا لون .. الاحتراف بدعة وكل بدعة ضلالة.. ولا تليفزيون إلا ماسبيرو.. وجولدي هو التكنولوجيا واللي مش عاجبه يخبط راسه في أقرب حيطة..

ما دام ذلك كذلك .. أهو جت لهم لحد عندهم واحدة غيرهم ، من ثقافة مهنية تانية ، تقدر تعمل اللي بيعملوه ، وتتفوق عليهم حتى في مسح الجوخ والنفاق المزمن..يسكتوا لها؟

حرب الثلاثي المرح وشركاه على الست نيرفانا أشبه بشخصية إلهام شاهين في مسلسل "بنت أفندينا" .. فتاة "الحظيرة" اللي عجبت الباشا فاتجوزها فحسبت نفسها على الطبقة الأرستقراطية وكأنها مولودة أرستقراطية ، وحاربت بشراسة كل اللي هددوا مكاسبها اللي حصلت عليها بمجرد جوازة..

نيرفانا ليست ملاكاً ، ولكن ما ألعن من سيدي إلا ستي..
آخر سطر :
لو منى الشاذلي جت ، حتعامل نفس المعاملة ، وحتستقبل نفس استقبال خالد بيبو بالفانلة الحمراء في الإسماعيلية!

5 comments:

حاجات ومحتاجات said...

يااااااااة
نيرفانا دي اسخف مذيعة حصلت في تاريخ التلفزيون
يعني قمة قمة قمة الغرور وعلى اية مش فاهمة. وبعدين انا مش عارفة لية دي نعتبرها من امثلة الاحتراف؟ احتراف النفاق يمكن لكن كمذيعة فميش اي نوع من انواع الاحتراف. كانت واحدة كل ما حد يقول لها ملاحظة تقول لة معلش يا كبتن انا مذيعة محترفة روح العب بعيد باءة
يعني هل لمجرد انها اشتغلت في محطة معروفة وبرنامج معروف بقت محترفة؟
يلا ادينا ارتحنا منها في القاهرة اليوم..

تحياتي :)

قلم جاف said...

شكراً جزيلاً ليكي أولاً لإنك علقتي ، وثانياً لإنك أول واحد علق في فرجة من ساعة ما بدأتها قبل أسبوعين ، وبيني وبينك مين له نفس يقرا أي حاجة تانية في ظل اعتقال مدونين احترمتهم أكثر بعد ما قريت لهم ، وفي ظل أوضاع سودة البلد دي بتعيشها..

الحسنات لا تذهب السيئات في الدنيا ، ولكن تذهبها في الآخرة.. وممكن سقطة واحدة ، فما بالك بكتير ، تهيل تراب على الهالة والهيلمان على رأي عمنا سيد حجاب ، نيرفانا بدأت مشوارها أولاً في التليفزيون الكويتي الرسمي لغاية ما اتنقلت للقاهرة اليوم ، وبحكم دراستها للإعلام والممارسة في برنامج القاهرة اليوم قبل سبع سنوات أكيد اتعلمت شوية حاجات ، لكن في السنوات الأخيرة بدأغرورها يظهر ، بدأ نفاقها الفج يظهر ، بدأت الأنا بتاعتها تضرب السقف..
أما عن الاسم والفلوس والسينييه ، فهالة سرحان لو قدمت برنامج في التليفزيون حتاخد مبالغ طائلة ، رغم إن عيوب هالة سرحان كمذيعة لا تخفى على أحد .. بس هية سينييه ، وفي سوق الاحتراف السمعة بتبقى جزء من السعر ..
أنا سعيد رغم كل دة بإنها سابت البيت وطفشت ، وإن كنت أعتقد لو جاسمين أو ياسمين التانية أو سي "تشامر" راحوا للأوربيت حيرجعوا من المولد بلا حمص زي لاعيبتنا المحترفين ، وحيصدق فيهم ما غناه طارق عبد الحليم " راح وجه .. جه وراح .. رجعلي مكسور الجناح!"

خالص تحياتي وشكري العمييييييق :-)

حاجات ومحتاجات said...

هو الكويس في المحطات الخاصة اللي زي اوربت ان الغير كفؤ بيتزحلق مبيقعدش بواسطة زي التلفزيون المصري.
كنت قرات ان نيرفانا كانت بتنافق الحزب الوطني في القاهرة اليوم عشان تمهد لنفسها مكان في التلفزيون المصري. وفعلا امنت لنفسها مكان وبمبلغ كبيير متستاهلوش.

تحياتي:)

Maahmoud Saad said...

فى البدايه السلام عليكم
1-نيرفانا اصلا اسمها بينرفزنى ولاحظ تقارب (نيرفانا)و(ينرفزنا)ء.
2-تامر ليه اثر كبير فى مجال الاخبار
3- اخو تامر ليه اثر كبير فى مجال البرامج الدينيه
4-لو تامر كان وحش كان حصل الى قبله
5-لو انت مهتم قوى بمصر قول ليها نصيحه علشان تتحسن
6-نيرفانا بسبب موضوع البنزين حولت البرنامج للمسائله فحولوها للتحقيق
Mahmoud Saad

will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人